اوكازيون البراءات

المكان:قاعة المحكمه(محاكمة القرن)

يعم الصمت المكان,باستثناء بعض الهمهمات من اهالى الشهداء

يجلس فى احد المقاعد بالقاعه رجل مسن على كرسى متحرك,قد اصيب بالشلل بعد سماع خبر موت ابنه يوم 28 يناير 2011,وبجواره مرافقته بنت ال 14 ربيع

وفى احد الاركان تجلس ام محتضنه صورة ابنها الشهيد الذى مات اثناء رجوعه من عمله

وفى احد المقاعد تجلس ام لطفلتين فقدت زوجها شهيدا عندما تركها ونزل للميدان ليهتف(عيش_حريه_كرامه انسانيه)

وفجأه يدخل الحاجب وخلفه طاقم مسلح من الشرطه,ثم يدخل قاضى المحاكمه ومن بعده اثنان اخران

ويصيح الحاجب(مـــــــــــحــــــــــكـــــــــمـــه)

يقف الحضور جميعا

ثم يجلس القاضى,فيجلس من بعده كل الحضور

ثم يلبس القاضى نظارته الطبيه,وينظر للاوراق بين يديه,ويقول

-بعد الاطلاع على القضيه محل الذكر,وسماع مرافعة كل من النيابه ومحامى الخصوم قررنا نحن الاتى:

الحكم على كل من:حبيب العادلى_جمال مبارك_حسنى مبارك_علاء مبارك_وجميع مساعدى وزير الداخليه السابق
(بــــــالــــــبــــــــراءه)
من كافة التهم المنسوبه اليهم

_ثم ينظر القاضى بشده داخل القفص,ويقول!!؟

(انت يا اخ,انت يا اللى هناك ف اخر القفص انت)!!؟

فيرد عليه الاخ:ايوه يا باشا

فيقول القاضى:انت اخدت براءه ولا لسه!؟

فيقول الاخ:لا والله ساعدتك انا عسكرى تبع تأمين المحاكمه مش مذنب

فيقول القاضى:اااه معلش يا ابنى العتب ع النظر,كله كده يا اخونا خد براءه!!؟ مش ناسيين حد ولا حاجه

فيرد كل من ف القفص:لا تمام اوى كده يا باشا.