شابووووووه للستات

يوميات زوجه ...تصحى من النوم من الفجر تصلى تدخلى تنامى تانى انتى بتهزرى صح يالا بسرعه حطى الغسيل ف الغساله تعالى تعالى بس رايحه فين تانى حضرى جدول العيال واعملى السندوتشات روحى صحى العيال فطريهم لبسيهم نزليهم تحت عشان الباص مستنيهم دا ان مكنش انتى الى هتروحى تودى خلاص العيال راحوا المدرسه روحى بسرعه ع الشبابيك افتحيها عشان تهوى البيت فتحتى خلاص اجرى باه بسرعه صحى جوزك واعمليله فطارك ودورى ع فرده الشراب الضايعه واكوى القميص خلاص نزل رايحه فين ياماما بس انتى نسيتى الغسيل الى اتغسل روحى بسرعه انشرى نشرتى جرى ع المطبخ طلعى الاكل الى هتعمليه من التلاجه وبسرعه كده اغسلى الحاجات الى فطرتى فيها خلصتى غسيل الاطباق روحى باه ع الشبابيك اقفليها عشان الدبان كده هيدخل روحى باه وضبى الاوض وامسحى الارض انتى هتعدى انتى بتهزرى وقت الغدا ورجوع عيالك قرب روحى بسرعه اعملى الغدا الا العيال ميلاقوش اكل واوعى تنسى السلطه والطحينه العيال جم خلاص دا ان مكنش انتى برضوا الى روحتى جنتيهم يالا دخليهم يستحموا ولا شطفيهم كده واسمعى احلى رغى ياماما الاستيكه ضاعت ياماما زميلى ضايقنى يالا باه الغدا حطيه وطبقك الى بيكون فيه 3 و4 معالق وتستحمليهم جوزك وعيالك يروحوا يناموا رايحه فين بس تعالى هتنامى ولا ايه روحى اغسلى اكل الغدا وامسحى واكنس المطبخ ووضبى كام حاجه كده اتكركبت واتصلى بحماتك اطمنى عليها ومامتك واخواتك تسالى عليهم خلصتى يالا روحى صحى العيال عشان الواجبات تعمليها معاهم وتسمعى ف جدول الضرب وتحفظى فى انجليزى وتفهمى فى دراسات خلصتوا يالا روحى بسرعه البسى عشان ف نادى لازم تروحيه معاهم عشان الكاراتيه خلصى النادى وروحى جرى عشان لازم يكون فى حاجه حلوه تتاكل وانتى بتعملى الحاجه الحلوه جهزى للعشا معاهم خلصتى خلاص طب يالا ياشطوره ع المطبخ تغسلى اكل العشا . خلصتى خلاص روحى نيمى العيال لحد ماتطلع عينك خلصتى خلاص اخيرااا لا طبعا لسه ياحلوه ف حاجه جوزك عايز يكلمك فيها هتنامى وترتاحى اخيراااا لا طبعا لازم تروحى تطمنى ع العيال الاول خلاص حطيتى راسك ع المخده الساعه 12 بليل ابتدى باه فى التفكير ف حماده الى مش عاجبك مستواه وفى رشا الى حاسه انها سخنه واكل بكره ياترى هيكون ايه وفى شكلك الى باه مش عاجبك ولا جسمك الى تخن الخ الخ الخ الساعه بقت 1 الحقى نامى بسرعه عشان هتصحى 5 عشان نفس اليوم هيتعاد تاانى بكل سلطانه وبابا غنوجه وكمان زياده فى ايام بيكون فيها عوازمات وواجبات وزيارات ودكاتره ويرجعوا يقولوا اعدين فى البيت مريحين . فعلا شابووووووه للستات


                       

هل يحبني الله ...؟ راودني هذا السؤال ..!!؟؟ فتذكرت !!!! أن محبة الله تعالي لعباده تأتي لأسباب و أوصاف ذكرها في كتابه الكريم , قلبتها في ذاكرتي لأعرض نفسي عليها , علّي أجد لسؤالي جواباً , فوجدت انه يحب المتقين و لا أجرؤ أن أحسب نفسي منهم , و وجدت أنه يحب الصابرين فتذكرت قلة صبري , و وجدته يحب المجاهدين فتنبهت لكسلي و قلة حيلتي , وجدته يحب المحسنين و ما أبعدني عن هذه , حينها توقفت عن متابعة البحث خشية ألّا أجد في نفسي شيئاً يحبني الله لأجله , و تفحصت أعمالي فإذا أكثرها ممزوج بالفتور و الشوائب و الذنوب جرت دمعتي ندمًا علي ما فرطت في جنب الله , خطر لي قوله تعالي
(إن الله يحب التوابين ) كأنني للتوّ فهمت أنها لي و لأمثالي !! فأخذت أتمتم :
أستغفر الله و أتوب اليه , أستغفر الله و أتوب اليه , أستغفر الله و أتوب اليه , لا اله الاّ أنت سبحانك إني كنت من الظالمين , لعلي أدخل في أحبابه ....