أرجوا الرد من كل عضو فى المنتدى

السلام عليكم ورحمة الله وبركاته

انا بقالى فترة كبيرة مابدخلش على المنتدى خالص ولا بشارك بس انهاردة حسيت انى مخنوووق اووى ولازم اكتب واطلع اللى جوايا وعايز حد يرد عليا مصر تستحق اللى بيحصل فيها ده ؟
والريس يستحق اللى بيحصل فيه ده ؟
بجد انا حزين اوى وغصب عنى ومن غير مااحس لقيت نفسى امبارح بدمع وابكى وهو بيقول خطابه وانه مش ناوى يرشح نفسه
مش هقول انى بحبه وانى عايزه يقعد بس اللى حصله ده مفيش اى بشر يقدر يستحمله وبجد لو الراجل ده مش بيحب مصر كان زمانه سابها وهرب زاى ماكله بيعمل بس هو استحمل الاهانة وفضل قاعد عشان عارف انه لو سابها هتخرب اكتر عشان كل الاحزاب هتقول احنا اللى نمسك ويتخانقوا ويقسموا البلد عليهم زاى التورتة بعدين من البرادعى ده اللى طالع على الفضائيات الهابطة واللى بيشغلها امريكان وبيقول لازم الريس يتنحى البرادعى ده من امته وهو عايش فى مصر ولا من امته وهو يعرف حاجة عن شعب مصر يروح الاول يستر على فضايحه وصوره وهو فى كباريهات وبيشرب خمره يروح يتفرج على العراق اللى قال ان هيا فيها نووى واسلحة دمار شامل وعلى كلامه امريكا احتلت العراق نفسى اعرف دلوقتى هو مربى دقنه ليه وبيقوله انه مع الاخوان ماطول عمره بيشتم فى الاخوان ولا هو معاهم معاهم عليهم عليهم ويروح يشوف الاول بنته اللى متجوزة من يهودى وكفاية كلام عن الراجل ده عشان حاسس انى هكتب اللفاظ ماينفعش تتكتب فى منتدى محترم بعدين انا مع مطالب اخوانا الشباب اللى قالوها كلها واول يوم مظاهرات كان يوم محترم وجميل وحسينا بقيمتنا انما بعد كده عشنا فى رعب وضرب نار عند البيوت وسهر فى الشوارع عشان نحمى بيوتنا وحاجات كتيرة حصلت واكيد كله مر بيها
انا برفض تماما سياسة حسنى مبارك بس ده راجل من رجال القوات المسلحة عمل خير كتير فى مصر وحصل فساد كتير برده وكان فى بطالة وفى كل حاجة بس دلوقتى بسبب شوية شباب مش وراهم شغل ولا مشغلة وطول النهار على الفيس بوك محدش عارف يروح شغله محدش عارف ينزل من بيته محدش عارف يعيش حياته انا مثلا راجل بشتغل بقالى اسبوع قاعد فى البيت او فى الشارع عشان نحرص بيوتنا كل ده فى مصلحة مين بجد حرام وبعدين اللى عايز يشتغل هيدور وهيجتهد وهيلاقى شغل بس الشباب عايز تخلص دراستها وتلاقى شغل وهى حاطة رجل على رجل وقاعدة على الفيس بوك مستنية الشغل بجد حراااام اللى بيحصل فى فينا وفى الراجل ده الراجل ده عنده 83 سنة يعنى مش صغير على الاهانة دى واما نشوف اللى هيحكمنا بعده هيعمل ايه

وشكرا معلش طولت عليكم

[size=24]الاول عاوزه ارحب بيك فى بيتك الاول ودايما واسرتك اللى بتحبك وان كان وضع مصر والمظاهرات هى اللى رجعتك لينا


مش عارفه يمكن المظاهرات والشباب وانتفاضتهم حسستنا الدنيا بخي واننا لسه عايشين وباتمنى ان مصر تتحسن حالتها والشباب يلاقى فرصه عمل وحاجات كتير تتغير


حمدلله على سلامتك
واتمنى وجودك دايما معانا لانك فى قلوبنا
[/size]

عاوز اقولك ان اجمل مافى كل اللى حصل انك رجعت لنا

حمدلله على السلامه ياباشا
واهلا بيك فى اسره منتداك سهر الليالى

l Black]] حمدلله على سلامتك يامحمد كل يوم بادخل المنتدى كنت اتمنى الاقى اسمك النهارده كنت فرحانه بجد برجوعك لنا بالسلامه


بالنسبه لشبابنا فهو كان مفاجئه بالنسبه لنا كنت خلاص زيك فاكره انه جيل النت نقعد نكتب ونقرا وبس
لكن بالعكس شباب قدر يقول ويعمل اللى مش قدر يعمله الكبار صحفيين ومعارضه وشعرا شباب واعى وجميل
مصر بخير
دايما

[/size]

السلام عليكم ورحمة الله وبركاته

شكرا على الردود والمشاركة الجميلة دى منكم

ووالله انتوا وحشتونى بس معلش بأة مشاغل الحياة

وعلى فكرة انا مابتنقدش الشباب اللى عملوا كده بس زعلان على نتائج اللى عملوه مع انى فرحان بيهم

والمفروض كانوا فكروا كويس ايه اللى مكن يحصل واللى حصل دلوقتى فعلا فى بلادنا

وكان زعلان على أهانة الريس مهما كان ده راجل كبير وقاعد 30 سنة يخدم البلد كتير طبعا كان فى فساد كتير محدش يقدر ينكر كده

بس احنا عمرنا ماشتمنا ابونا او طردنا من بيته مهما حصل من مشاكل معاه عشان هو صاحب البيت الراجل ده عسكرى وكان من اهم اسباب نجاحنا

وانتصارنا فى اكتوبر وحاجات كتير وفى الاخر كرمتنا من كرامة الراجل ده

فى كلام كتير عايز اقوله بس كلام ماينفعش يتكتب كلام عايز ايام عشان اكتبه بس فى الاخر انتوا وحشتونى اوووى وشكرا اوووى لردودكم

[size=24]اخيرا
انا قلت سافر والا هاجر وحتى لو كنت مسافر او مهاجر النت فى كل مكان حتى بالموبايل ازاى مش تطمن اصحابك عليك
ولا تعيد علينا فى العيد
ولا فى رمضان ولا فى شم النسيم
لازم دم وشهدااا علشان نشوفك
كنت زعلانه منك لكن مجرد وجود اسمك فرحت
حمدلله على السلامه

[/size]

ازيك ياسارة والله وحشتينى وكلكم وحشتونى بس ظروف الحياة والشغل وكنت شيلت النت من البيت فترة ولسه مدخله قريب وانشاء الله هحاول ابأة موجود معاكم على أد ماأقدر عشان المنتدى بأة جميل اووى وفى ناس جديدة كتير عاملة مواضيع حلوة بس انا فى اليوم اللى كاتبت فيه الموضوع ده كنت مخنوووق وعايز حد احكيله واتكم معاه وملقتش انسب من المنتدى واخواتى فيه بسمعونى ويشاركونى.

  [size=24]حمدلله على السلامه ............نورت منتداك
كنا مفتقدينك
  وافتقدنا  موضوعاتك الجميله و الضحكه والبسمه
 
 
موضوعك جميل جدا واحساسك صادق
الشباب عملوا حاجه     وقالوا رايهم والكل اعترف بيهم واحترمهم  ولازم يكون فيه مكسب وخساره
 

فى انتظار موضوعات مفيده كما تعودنا منك
وياريت حاجه فى الالعاب والمسابقات تجمعنا تانى فى المنتدىاهلا بيك فى اسره منتدى سهر الليالى[/size]

شكرا على رد ومشاركتك الجميلة دى بس ياريت تبأة عضو معانا فى المنتدى عشان نعرفك ونتعرف بيك اكتر

وانشاء الله هحاول انى ابأة موجود معاكم على اد ماأقدر

حمدلله على السلامة يامحمد وحشتنى اوى وحشنى موضوعاتك الجميلة وانا هقول زيك مينفعش نقول حاجه دلوقتى وانا معك انا ضد التجريح واننا نشتم اىحد
اولا لاان دى مش اخلاقنا وكمان الشتيمة مش هى اللى هتغير يا محمد انا عندى كلام كتير اوى وكلام قلته وكتبته من زمان بس لو كتبته دلوقتى هيبق ركوب
للموجه وصدقنى انا من قلبى بقول ادعو لمصر فهى فى مرحلة مخاض صعب ومتعثر فام ولادة من جديد او تكون دى نهاية التاريخ لا قدار الله حفظ الله مصر
وشباب مصر

الله يسلمك ياسحرى والله انت وحشتنى اكتر وشكرا على مشاركتك

ودلوقتى منقدرش نقول فعلا غير حفظ الله مصر وشبابها