بعض مشاكل الشبكات وحلولها ***

الأحد أكتوبر 04, 2009 4:10 pm

اول مشكله :- انقطاع الانترنت و ظهور اتنين MAC Address ل IP الروتر

فى عامل واحد مسبب لهذه المشكله الا و هو ال Automatic IP فاذا تم تحويل الشبكه الى Static IP تلاشت المشكله نهائيا و لكن ......

ماذا اذا استمرت المشكله ؟؟

تدخل على الروتر الخاص بك و تقوم بالغاء عمل ال DHCP و الذى تكون مهمته وضع IP لكل MAC Address فى الشبكه سواء MAC Address لكومبيوتر او لابتوب او اجهزه اتصال خاصه او روتر و ان شاء الله تتلاشى المشكله و لكن ......

ما هى سبب المشكله ؟؟

سبب المشكله هو ال DHCP لأنه يعطى للروتر IP و لجهاز على الشبكه نفس ال IP و عندئذ يتوقف عمل الروتر و الجهاز الذى اخذ نفس IP الروتر و بالتالى اى جهاز على الشبكه سينقطع عنه الانترنت و لن يعود الا فى حاله عمل Restart للروتر لأنه فى كل مره يتم عمل Restart للروتر او للكومبيوتر فانه يأخذ IP جديد من ال DHCP و يعمل قليلا حتى تعود المشكله و يعطى ال DHCP نفس IP الروتر لجهاز فى الشبكه و لكن ......

هل هذه هيا مشكله ال DHCP فقط ؟؟

بالطبع لأ فما يحدث بين الروتر و جهاز فى الشبكه يحدث بين جهازين فى الشبكه و ينتج عنه ايضا انقطاع الانترنت عن الجهازين و يكون ذلك مصحوب بظهور رساله Another Computer Have Your IP In Network و لكن ...

هل هناك مشاكل اخرى لل DHCP ؟؟

نعم فهو المسؤول عن هذه الرساله This Connection Has Limited Or No Connectivity و التى تتسبب فى انقطاع الانترنت و تكون مصاحبه بعلامه تعجب (!) على شاشتى الاتصال اللتان بجانب الساعه فى اسفل ال Taskbar

ملحوظه :- ال DHCP هو Option مهم فى ال Router و لكن هو السبب فى هذه المشاكل السابقه لأن ال Routers الموجوده فى مصر سيئه جدا من حيث ال Hardware و ال Software طبعا لذلك فان كنت تريد ان ترى Router صح يقوم بعمل ISA Server و يقوم بمهام اخرى كثيره من غير تهنيج او اى مشاكل بالاضافه اللى القيام بواجبات ال DHCP من غير اى مشاكل فما عليك الا ان تستخدم Cisco Router و هيا للعلم اغلى من ال Routers الاخرى التى نستخدمها حيث يبتدأ سعر هذا الروتر من 1000 جنيه الى 1800 جنيه للروترات ال ADSL فقط

تانى مشكله :- ازاى اعرف ان الشركه شغلت فعلا الخط بتاعى ؟؟؟
ناس كتير جدا بتقولى الشركه بتشتغلنى و بيقولولى وصلولى نت و انا معنديش نت ايه رايك

هقولكم على حاجه ساعات لما الشركه بتتأخر فى توصيل الخدمه فعلا بيشتغلونا و يقولولنا انهم وصلوا و يعطلونا كذا يوم جنبهم على اساس ان العيب من عندنا مش من عندهم و سعتها منعرفش نكلمهم

بس انا هريحكم و اقولكم ازاى متقعوش فى الاشتغاله ده

و ده هيبقى عن طريق الروتر

هتقولولى ازاى ؟؟؟؟

هقولكم

عن طريق لميه ADSL حيث ان اللميه ده ليها تلت حالات

اول حاله :-

لما اللميه بتبقى مطفيه و الروتر شغال اعرف ان انت الخط بتاعك مدبس فى السنترال و لا نزلت عليه الخدمه

تانى حاله :-

لما اللمبه بتبقى بتطفى و تنور ده معناها ان الخط بتاعك عليه الخدمه فعلا بس فى مشكله فى السنترال او فى الشركه او عندك فى وصله التلفون اللى جيه من البوكس مرورا بال Splitter و وصولا الى الروتر او فى ال Software بتاع الروتر و موضوع ال Software بيبقى نادر اوى

تالت حاله :-

لما اللمبه بتبقى ثابته و ده معناها ان النت شغال و مفيش اى مشاكل و كله تمام

ملحوظه

فى Routers لمبه ال ADSL بتاعتهم بتبقى ديما مطفيه حتى لو نزلك خدمه الانترنت على الخط بتاعك يعنى مش هتشوفوا فيها موضوع ان اللمبه بتطفى و تنور زى مثلا TOPCOM Router انما الموضوع ده متوافق مع الروترات الشائع استخدمها زى ECOM و Repotec و SpeedTouch و D-Link

تالت مشكله :- ازاى اعرف ان جهازى متفيرس
كتير جتلى شكاوى من ناس بتقول ان النت عندها بطئ مع انها لوحدها على الشبكه و فى ناس برده يتشتكى ان الناس اللى معاها على الشبكه مش بتوع دونلوود و ناس كبيره اخرها تصفح و مع ذلك النت بطئ عايز اقولكم ان الموضوع ده بصراحه خسرنى كتير كنت فعلا زيكم معنديش حد بيعمل دونلوود و لقيت الناس بتشتكى و انا مكنتش عارف اعمل حاجه ايامها و بدأت الناس تسبنى و بدأت ادور على حل لغايه ما وصلت لسبب المشكله

و هيا ان الجهاز متفيرس

يعنى ايه ؟؟

فى فيروس بيصيب الاجهزه اللى مش عليها AntiVirus جامد و بيظبط نفسه انه يشتغل اول ما الجهاز يقوم يعنى بيحط نفسه فى قائمه ال Startup

ممكن اشيله من قائمه ال Startup ??

لو عرفته اساسا ده فى اكتر من كذا فيروس بكذا اسم بيعمل الموضوع ده و حتى لو عملت Disable all لكل الملفات اللى فى ال Startup برضه هيرجع يشغل نفسه بعد فتره قصيره

طيب هو بيعمل ايه عشان يبطئ النت و يخلى ال Time فى Ping عالى ؟؟
بيعمل على الاتصال بالانترنت بسرعه Dowload أو Upload عالى و ممكن ان يكون فيروس تجسس لأحد المواقع او السيرفرات

ايه اعراض الجهاز المصاب ؟؟

لما تكون مفيش غيرك فى الشبكه او النت لوحدك هتلاقى ال Time عالى فى ال Ping على مواقع الياهوو مثلا من غير ما تكون انت بتحمل او بترفع اى حاجه

طيب ما ساعات ال Time بيبقى عالى عشان الخدمه سيئه من الشركه ؟؟

فعلا كلام مظبوط بس ده نادر اووى و عمتا اللى بيظهر نشاط ال Virus على جهازك هو برنامج ال WinArpSpoof اللى بيظهر عمليه ال Send Traffic اللى بيقوم بيها الجهاز المصاب و اساسا المفروض ميبقاش فى Send Traffic عالى الا اذا انت كنت بتعمل Downoad او Upload او فى حد بياخد منك حاجه على ال Share

ازاى اتجنب الفيرس ده ؟؟

انا تجنبته ببرنامج ال AVG7.1 AntiVirus Professional و اعتقد انه برده برنامج ال Bitdefender قادر على انه يمنعه من انه يدخل جهازك

افرض انا حميت نفسى بالبرامج ده او برامج تانيه و استمرت نفس المشكله و بدأ برنامج ال WinArpSpoof يسجل Send Traffic عالى من غير ما اعمل Download و لا Upload و لا حتى حاطط حاجه على ال Share ??

سعتها يمكن يكون الفيروس قوى شويه و ده لسه مشفتهوش و ملهاش حل غير انك تنزل نسخه ويندوز

ملحوظه :- من المهم جدا عند اكتشاف اصابه الجهاز تنزيل نسخه ًWindows جديده ثم تسطيب برنامج حمايه قوى و ارجح ال AVG وليس تسطيب برنامج حمايه من غير تغير نسخه ال Windows

رابع مشكله :- معرفه ال User Name & Password الخاصه ب Router

يسأل الكثيرون عن User Name & Password الخاصه بال Routers

و اليكم بعض ال User Name & Password

اليوزر = root
الباس = root

*****

اليوزر = admin
الباس = pass

*****

اليوزر = admin
الباس = password

*****

اليوزر = admin
الباس = epicrouter
خامس مشكله :- عدم ظهور جهازى على الشير او الشبكه ... !!!

مشكله تكرر من فتره لأخرى لبعض الناس و هى

عدم ظهور جهازهم على الشبكه او انهم مش قادرين يشوفوا الاجهزه التانيه

و ده مشكله بتبقى بسبب حاجات كتير و لتجنب المشكله ده

عشان يظهر جهازك على الشبكه و تقدر تشوف اجهزه غيرك و هما يشوفوك

يجب ان تتأكد من الخطوات التاليه

1- انك تكون قافل ال Firewall الخاص بجهازك سواء كان ال Firewall ده برنامج او Firewall الويندوز العادى

2- تأكد من انكم فى Workgroup وحده يعنى ميكنش مثلا ناس عملين ال Workgroup باسم و انت فى Workgroup تانيه باسم تانى

3- تأكد ان تكون الشبكه شغاله ب Static IP و ده افضل عمتا لأى شبكه

4- تأكد انك تكون فى نفس تسلسل ال IP بتاعت الاجهزه التانيه يعنى لو انت ال IP بتاعك و ليكن 192.168.0.1 خلى الاجهزه التانيه تكون محافظه على نفس التسلسل لأول تلت خانات من الشمال ألا و هما ال 192.168.0 و غيروا برحتكم فى اخر خانه مش مشكله المهم برضه مفيش اتنين يخدوا نفس الرقم فى للخانه الرابعه

5- تاكد من أن ال Subnet Mask ليكم واحد مش متغير من جهاز لأخر

6- تأكد من ان كابلاتكم ليها نفس ترتيب التأريج

سادس مشكله :- انقطاع الانترنت فى الليل و رجوعه فى النهار

لكى نوضح المشكله اكتر لكم

بيشتكى ناس من عدم انتظام ال Ping على ال Router و الذى يؤدى الى انقطاع الانترنت

و حل هذه المشكله طرحه اتنين من الاعضاء هنا فى المنتدى

واحد بعته ليا فى رساله خاصه و جربته و نفع و نفس الحل وضعه عضو

هنا فى المنتدى و للأسف لا اتذكر اسمه و ضع ملف فلاش يوضح الحل عمليا

و اليكم الحل نظريا مع اتباع هذه الخطوات :-

1- اضغط Right Click على ايقونه My Computer و اختار Properties

2- اختار Device Manager و دور على Network Adapter

3- اضغط Right Click على نوع كارت ال LAN بتاعك و هيفتحلك صفحه

4- اختار Advanced فى الصفحه اللى هتتفتحلك

5- دور فى الصفحه الجديده بتاعتك Advanced على Speed mode او Link Speed من القائمه اللى عندك فى جهه الشمال و سعتها لما تختارها هتتفتحلك قائمه فى جهه اليمين فيها انواع سرعات الشبكه اختار 10 Full Duplex او بمعنى تانى 10 Full Mode و اضغط Ok

سابع مشكله :- كيفيه تحويل الشبكه من Automatic IP ل Static IP

يجهل الكثير طريقه تحويل الشبكه من ال Automatic IP ل Static IP و لذلك طرحت لكم هذه المشكله هنا فى الموضوع

مقدمه

المسؤول عن شبكات Automatic IP هو DHCP الخاص بالروتر او السيرفرات و لكن ال DHCP الخاص بالروترات كثير المشاكل و مسبب فى انقطاع النت عن الاجهزه على الرغم من ان النت شغال تمام اما DHCP السيرفرات فلم يقابلنى منه اى مشاكل فى انقطاع النت لا معايا ولا مع غيرى

المشكله

لتحويل الشبكه من Automatic IP ل Static IP عليك اتباع الخطوات التاليه :-

1- الدخول للروتر لعمل Disable ل DHCP حتى يتوقف عن توزيع IP ثم قم بعمل Save Setting لحفظ التغيرات

2- انتقل لكل جهاز لوضع ال IP يدويا من خلال هذا المسار

Control Panel >> Network & Internet >> Network Connection >> Right clcik in Local Area Network >> Properties >> Internet Protocol >> Use the following IP address

هتلاقى خمس سطور من ال IP و هنبتدى شرح من اول السطر التالت اللى هو Defult Getwauy

3- السطر التالت و هو Defult Getway و هو الخاص ب IP الروتر و لنفترض انه 192.168.0.1

4- السطر الاول و هو IP Address و تضع فيه اى IP غير IP الروتر لتجنب انقطاع ال Internet و ستكون الايبهات المتاحه فى هذا المجال

192.168.0.2 - 192.168.0.3 >>>>>>>>>> 192.168.0.254

فيمكنك اختيار اى رقم فى الخانه الرابعه عدا الرقم 1 و الذى اخترناه للروتر فى النقطه رقم 3 من الشرح

5- السطر التانى و هو Subnet Mask و يتم وضعه Automatic بعد وضع السطر الاول فى Windows XP ,Server 2003 , Vista و تضعه انت Manual فى Windows 98 , Mellinum

6- السطر الرابع و الخامس و هما السطور الخاصه ب DNS و يتم وضعها بعد ان تستلمها من الشركه او لو عرفتها من داخل الروتر

ثامن مشكله :- ظهور هذه الرساله Connection is limited or conectivity على شاشه الاتصال

Connection is limited or conectivity

سبب المشكله

هو روترات ال ADSL حيث ان DHCP الخاص بالروتر يعجز عن اعطاء الاجهزه فى الشبكه

ايبهات مستقله و يقوم بعض الاحيان باعطاء جهازين نفس ال IP

و فى احيان اخرى لا يستطيع اعطاء جهاز كومبيوتر فى الشبكه

ايبهات الاتصال بالانترنت من IP Address و Defult Getway و DNS

فلذلك يبقى الجهاز غير قادر على الاتصال بالانترنت

حل المشكله

يتمثل حل المشكله فى عمل تحويل الشبكه من Automatic IP ل Static IP

ثم عمل Disable ل DHCP الخاص بالروتر و اعطائك

ايبهات الاتصال من IP Address و Defult Getway و DNS لجهازك يدويا

ليعمل الجهاز الخاص بك ب Static IP و يطبق نفس النظام على باقى الاجهزه فى الشبكه

و ان شاء الله لن تكرر المشكله مره اخرى نهائيا .
:lol!:
OMDA

الإثنين أكتوبر 05, 2009 7:42 am

واااااااو
كنت محتاجه للاجابات دي كلها وكأنك قرأت افكاري دي كانت اكبر مشكله عندي
ميرسي
ميرسي جدا بجد كنا محتاجين نوعيه المواضيع دي
ميرسي

الإثنين أكتوبر 05, 2009 12:53 pm

بدايه موفقه واختيار موفق للموضوعات اللي بنحتاجها
اهلا بيك في اسره منتدي سهر الليالي

الإثنين أكتوبر 05, 2009 2:31 pm

الثلاثاء أكتوبر 06, 2009 2:16 am

الله عليك ياباشا هوده الموضوع اللي كنت بادور عليه
ربنا يبارك لك

الأربعاء أكتوبر 07, 2009 7:53 am

لا شكر على واجب .........

اعضاء المنتدي الافاضل هذا هو واجب الجميع من اجل الرقي بهذا المنتدي.....

من يملك اي ملف او اي شي جميل فليمتع به الاخرين .......

ودمتم بالف سلام